تعرف على افضل دورات المحاسبة

اكيد كل خريج او كل محاسب محتاج يطور من نفسو اول سؤال بيبجى فى بالو  ايه هيا افضل دورات المحاسبة اللى ممكن تفيدنى فى مجال العمل الفعلى مش النظرى او الاكاديمى


اجبلك كدا من الاخر افضل شهادات تدور عليها تاخد دورة محاسبة فيها 
شهادة  CMA
شهادة  CPA 
شهادة  CIA 

مقال دا  تعريفى عن اهم 3 شهادات فى المحاسبة عموما وايه الفرق بينهم وازى تختار ما بينهم وانسب واحدة لمجال شغلك  

هنتكلم ايه الفرق بين 3 شهادات  CMA و  CPA   و  CIA 

شهادة  CPA  شهادة محاسب قانونى معتمد 

وهى بالعربى شهادة محاسب قانونى معتمد وهيا شهادة امريكية بيودها فى الاساس لمراجعين الحسابات الشهادة دى ممتازة فى مجال المحاسبة المالية وفى مجال المراجعة عموما والضرايب والشهادة دى اللى بياخدوها الناس المتخصصين اكتر المحاسبة المالية والناس اللى بتعمل ميزانيات 

تحميل كتاب CPA كامل مجانا 

شهادة  CMA  محاسب ادارى معتمد 

,اللى هيا محاسب ادارى معتمد هيا شهادة امريكية متخصصة اكتر فى المحاسبة الادرية فيها اجزاء كتييرة عن محاسبة التكاليف وفيها اجزاء كتيير بعيدة عن المحاسبة المالية فيها جزء عن المحاسبة المالية بس مش كبيير 

تحميل 500 مصطلح من مصطلحات امتحان CMA لسنة 2019 

backer cpa

شهادة  CIA  شهادة المراجع الداخلى 

اللى هيا شهادة المراجع الداخلى او المدقق الداخلى مش هتفرق فى المسميات الشهادة دى متخصصة فى مجال المراجعة الداخلية ودى من اكتر الشهادة المتخصصة فى المراجعة الداخلية علشان كدا اللى بياخد الشهادة وهوا مش مراجع داخلى مش مفيدة ليه بالنسبة الكبيرة ماعدا طبعا المراجع الخارجى ممكن ياخدها وبستفاد من اجزاء منها
انما لو محاسب مش هتفيدو اوى ممكن تنفعو كا معلومات عامة مش هتنفعك اوى فى شغلك 


نتكلم بقا بالتفاصيل شوية عن كل شهادة بتتكون من اية وكل حاجه عنها فى مختصر بردو علشان لو تعمقنا الموضوع هايطول مننا وفى اخر المقال هنتكلم كورسات محاسبة مجانا نقدر تتفرج عليها ع اليويتيوب او تشتريها من يوديمى 

شهادة  CPA  
بتتكون من 4 مواد
    المحاسبة المالية 
          من البداية من اول القيود انك تتدخل قيد الى انشاء الميزنيات مجمعة 
    المراجعة  
فى الشهادة دى بتتكلم عن المراجعه الخارجية مش المراجعه الداخلية بتبدى معاك من اول وانت رايح الشركة بتعمل ايه                 علشان تراجع عليها  لحد مابتطلع التقرير بتاعك 
    القانون التجارى 
فى المادة دى تدرس القانون التجارى بس القانون التجارى الامريكى مش القانون التجارى المصرى انت بتاخد شهادة                    امريكية انت كانك بتدرس فى امريكا  

  قانون الضرايب الامريكية 
            دى المادة الرابعة والاخيرة 
طب هتذاكر ازاى وتبداء ازاى ومن انهى كتاب بص فيه كتب كتيير تقدر تبدء منها
فيه كتابين دول يعتبرو افضل كتابين تبدء بيهم + تدور على افضل دورات محاسبية على يوديمى او ليندا هتلاقى كورسات كتيير هارشحلك كورس كويس عن تجربة بعد مانخلص شرح التعريفى عن كل شهادة 

كتاب اسمو Becker CPA 

كتاب تانى اسمو  Wiley CPA 

الامتحان 
الامتحان عبارة عن ايه عن اختيارات وحالات معينة بيقولك حلها ويجبلك موضوع ويقولك اكتب فيه مثلا يقولك اكتب عن نظام الحوكمة او اعضاء مجلس  الادارة بيعملو اية واية واجبتهم  حاجات مش صعبة خالص ان شاء الله بس الافضل انك لو خريج تبدء دورات محاسبة  من دلوقتى هتفيدك اوى لما تخش الامتحان 

ازاى تنجح فى الامتحان 
درجه النجاح هيا 75 %  علشان تنجح فى 4 لازم تجيب 75% فى كل مادة 

مين من حقو يخش الامتحان او يقدم على الشهادة دى
اغلب المحاسبين فاكريين ان اى حد يقدر يخش يمتحن شهادة CPA وخد بالك CPA يعنى محاسب قانونى معتمد محاسب قانونى حاجه مش سهلة من حقو يمضى على ميزانيات 
لازم يكون خريج تجارة  وقسم محاسبة
ولازم تروح الكلية تجيب بيان درجات وترسلها لهيئة التقييم فى امريكا
الموضوع عادى مش صعب اعرف محاسبين خريج تجارة جامعة الاسكندرية وجامعة المنصورة وجامعة القاهرة  وجامعة حلوان  قدمو وتقبلو عادى خالص  

مكان الامتحان فى الدول العربية
البحرين - الامارات - لبنان - الكويت  وامريكا طبعا 

تكلفة امتحان CPA 
200 دولار رسوم تقديم
150 دولار ابلكيشن 
130 دولار للمادة 
دا لو هتمتحن فى امريكا
لو هتمتحن برا امركيا هتضيف على كل مادة 350 دولار 

دا بالنسبة لشهادة  CPA  كا ملخص سريع كدا مش تعمقنا اوى 


شهادة  CMA
اولا كدا قبل منخش فى تفاصيل حد هاسئلك يقولك انهى احسن CPA ولا CMA  بص مافيش حاجه اسمها انهى احسن لان الاتنين غير بعض نهائى
شهادة CMA هيتكلم فيها عن مثلا اية هيا الحاجات اللى موجودة فى الميزانية شوية حاجات بسيطة عن الموضوع دا مش زى طبعا CPA
CMA بتعمد اكتر على محاسبة التكاليف وقياس الاداء وفيها شوية على الرقابة الادارية وهايديك حاجات بسيطة عن المراجعه الداخلية مع ان فيه شهادة للمراجعه الداخلية اللى هيا CIA هايديك فى الكورس حاجات بسيطة   عن الرقابة الداخلية بردو

اهم الكتب اللى ممكن تشتغل عليها كويسة من وجههة نظرى كتاب Gleim

تحميل فهرس الكتاب من هنا 

الامتحان

الامتحان بتاع شهادة CMA هوا 4 ساعات  3 ساعات منهم عبارة عن 100 سؤال اختيارات  وبعد كدا اخر ساعة الوقت بيقفل عليك ويفتحلك الساعه الاخير بيجيبلك  سؤالين يتحلو فى خلال الساعة 

عنوان عن موضوع وانت تتكلم  عنو  مثال 

يجيبلك ميزانية معينة ويقولك حلل الميزانية دى  حاجات كتيير من نفس النوع اللى هيا ازاى تحلل القوائم المالية 

الفكرة انك تكتب على الاب توب او الجهاز اللى انت هتتعامل عليه 

ازاى تنجح فى الامتحان 
درجه النجاح هيا 72 %  بس بشرط فى اول 3 ساعات اللى هما الاختيارات ماعتدتش 50 % مش بيكمل معاك الامتحان ويقولك شكرا يكفيك شرف المحاولة 

 مين من حقو يخش الامتحان او يقدم على الشهادة دى
شهادة CMA اسهل شوية من CPA فى المتطلبات الشرط انا يكون معاك بكالريوس تجارة اوادارة اعمال او هندسة اى بكالريوس بس هوا الموضوع صعب لاى حاجه غير تجارة

مكان الامتحان
 مصر      ( القاهرة  فقط )
السعودية  ( جدة - الرياض - الخبر )
الامارات ( دبى  فقط )
البحرين
الكويت
قطر
لبنان

تكلفة امتحان CMA
200   دولار رسوم تقديم
200   دولار ابلكيشن 

700   دولار الامتحان

دا ملخص بسيط عن CMA  يارب اكون وفيت كل مايخص الشهادات ونرجع تانى ونقول لو انت لسه بتدرس فى 4 تجارة لازم تبدء كورسات محاسبة من دلوقتى علشان ماتنساش حاجه بعد ماتطلع 

اقراء ايضا " كيفية اعداد مذكرة تسوية البنك " 

ولسه شغالين فى ملخص عن باقى الشهادات التانية انتظرونا فى خلال ايام هانعمل تحديث للمقال دا 

اذا كنت تبحث عن 
دورات محاسبة 
كورسات محاسبة 
افضل دورات المحاسبة 
افضل دورات محاسبية