ليه اشغلك وانت خريج
ليه اشغلك وانت خريج
يعني دلوقتى انت رايح انترفيو وانت حديث التخرج يعني فريش بس في ناس طبعا عندهم خبره ففكر في السؤال اللي هيتسال ليك داخل الانترفيو
ليه اشغلك وانت فريش وفي ناس عندها الخبره يعني لو اتسالت السؤال ده هتعمل ايه
طبعا في ناس كتير هترد وهتقولك
· انا اشتغل وانا حديث التخرج عشان يبقا ليا خبره بعد كده وعندي امكانيات ماهي كل الناس اللي عندها الخبره دي جابتها منين من الشغل
· حد تاني هيرد انا عندي انشطه كتير ومواهب وامكانيات ممكن اضيفها وعندي رغبه اني اكبر ورغبه بالعمل والتعلم
· حد تالت انا نشيط في العمل وعندي لباقه وبتعامل كويس مع طبيعه العمل وهديك شغل كتير ومجهود اكبر وهبذل كل النشاط اللي عندي في الشغل وهقدم حاجه كويسه داخل بيئه العمل وده اللي انا هضيفه للشغل
يعني لازم تفكر بينك وبين نفسك لما تيجي تقدم علي عمل واتسالك السوال ده بلاش تستفز وبكل هدوء حضر اجابه كويسه واعرف اقنع الشخص اللي قدامك بنفسك وبمجهودك اللي هتقدمه للعمل واللي يخليه يفكر انه يشغلك ويفضلك عن الشخص اللي عنده خبره كافيه
ده غير انك هتثبتله انك عندك شغف وحب التعلم والعمل اللي داخل عليه والمرونه في التعامل وده غير المعلومات الكافيه والثقافه اللي هتتكلم فيها في المجال اللي انت داخل ليه
أضف تعليق