كيفية حساب ضريبة الدخل لموظفي الدولة

كيفية حساب ضريبة الدخل لموظفي الدولة بسهولة

نشرت الأستاذه أمال عبدالله طريقة سهله وبسيطه لحساب ضريبة الدخل قانون رقم 97 لسنة 2018 – ضريبة الدخل .
أولا: بتجيب دخلك السنوي يعني مرتبك الأجمالي في الشهر و تضربه في ١٢ فيبقى عندك رقم إسمه دخلك السنوي الأجمالي
ثانيا: لازم تعرف ان دخلك الخاضع للضريبة هوه دخلك بعد ما هتشيل منه قيمة التأمينات السنوية اللي بتتحملها كموظف و تشيل معاها ٧٠٠٠ جنيه إسمها أعفاء وظيفي هيطلعلك رقم .. خلليه على جنب .. الرقم ده إسمه صافي الوعاء الضريبي أو صافي الدخل الخاضع للضريبة ..






نبتدي بأه نحسب بداية من إنك عرفت دخلك الصافي كام ..
قانون الضرائب الجديد على الدخل 2018

(١) هتجيب الرقم اللي خلليته على جنب و نبتدي نقسمة شرايح طبقا للقانون الموجود تحت
الشريحه الأولى ٨٠٠٠ جنيه معفية من الضرايب يعني الضريبه “صفر”
الشريحة التانية من ٨٠٠١ ل ٣٠٠٠٠ نسبة الضريبة ١٠% .. يعني الشريحه دي مبلغ الدخل الخاضع للضريبة ٢٢٠٠٠ ج
الشريحة التالتة من ٣٠٠٠١ ل ٤٥٠٠٠ نسبة الضريبة ١٥% .. يعني الشريحة دي مبلغ الدخل الخاضع للضريبة ١٥٠٠٠ ج
الشريحة الرابعة من ٤٥٠٠٠ ل ٢٠٠٠٠٠ نسبة الضريبة ٢٠% ..
الشريحة الخامسة أكتر من ٢٠٠٠٠٠ جنيه و دي نسبة عليها ٢٢.٥%


مقالات قد تعجبك ايضا : مهام المدير المالى  -  ماهى الاصول الغير ملموسة  -  المعالجة المحاسبية للهدايا والمنح 

طيب ندي مثالين لنوعين من الدخل عشان تفهم أسهل …
– واحد دخله الشهري ٢٥ ألف جنيه (صافي) يعني السنوي ٣٠٠ ألف جنيه (صافي) بمعني بعد خصم التامينات و الأعفاء الوظيفي .. هتتحسب كده
الشريحه الأولى . ٨٠٠٠ معفاة قيمة الضريبة “صفر”
الشريحة التانية: المبلغ الخاضع ٢٢٠٠٠ × ١٠% . قيمة الضريبة = ٢٢٠٠ ج
الشريحة التالتة: المبلغ الخاضع ١٥٠٠٠ × ١٥% قيمة الضريبة= ٢٢٥٠ ج
الشريحة الرابعة: المبلغ الخاضع ١٥٥٠٠٠ × ٢٠% قيمة الضريبة= ٣١٠٠٠ج
الشريحة الخامسة: المبلغ الخاضع ١٠٠٠٠ × ٢٢.٥% قيمة الضريبة= ٢٢٥٠٠ج
الراجل ده مادام وصل للشريحة الخامسة لا يتمتع بأي نوع خصم على ضرايبه .. فبالتالي ضرايبه السنوية = ٢٢٠٠ + ٢٢٥٠ + ٣١٠٠٠ + ٢٢٥٠٠ = ٥٧٩٥٠ ج يعني شهريا ٤٨٣٠ ج






– واحد دخله الشهري ٥٠٠٠ جنيه (صافي) يعني سنويا ٦٠ ألف جنيه (صافي) بعد خصم التأمينات و الإعفاء الوظيفي هتتحسب برضه كده
الشريحه الأولى . ٨٠٠٠ معفاة قيمة الضريبة “صفر”
الشريحة التانية: المبلغ الخاضع ٢٢٠٠٠ × ١٠% . قيمة الضريبة = ٢٢٠٠ ج
الشريحة التالتة: المبلغ الخاضع ١٥٠٠٠ × ١٥% قيمة الضريبة= ٢٢٥٠ ج
الشريحة الرابعة: المبلغ الخاضع ١٥٠٠٠ × ٢٠% قيمة الضريبة= ٣٠٠٠ ج
أعلى مبلغ ضرايب للراجل ده يقع في الشريحة الرابعة و ده معناه أنه هيتمتع بنسبة خصم ٤٥% يعني ضرايب الشريحه الرابعه هتبقى ١٦٥٠ بدلا من ٣٠٠٠ ج
فبالتالي ضرايبة قبل الخصم ٢٢٠٠+ ٢٢٥٠ + ٣٠٠٠ = ٧٤٥٠ ج سنويا يعني ٦٢٠ ج شهريا
أما ضرايبة بعد تطبيق نسبة الخصم ٢٢٠٠ + ٢٢٥٠ + ١٦٥٠ = ٦١٠٠ ج شهريا يعني ٥٠٨ شهريا
ملاحظات هتوفر علينا نفهم اسرع


– هتلاحظ إن مع زيادة الدخل بتقل نسبة الخصم و بالتالي عدالة إجتماعية حيث إن اللي دخله اقل بياخد نسبة خصم أعلى و اللي دخله أعلى بيتحرم منها و واضح في مثالين فوق …
– اللي مرتبه أقل من ١٥ الف سنويا مش بيدفع ضرايب و معفى بالكامل ..
– ضرايب الدخل بتخصم من المنبع يعني مش بتوصل أيد الموظف أصلا و بيتم تحصيلها من صاحب العمل ..
– صورة القانون تحت بتوضح نسب الخصم لكل شريحة ..





لو أعلى رقم ضريبي طلع في الشريحة التانية بتاخد خصم ٨٥% لو التالته ٤٥% لو الرابعه بتاخد ٧.٥% عشان يدي اكبر خصم للطبقات الأقل في الدخول .. اما لو وصلت للشريحة الخامسة إنسى يا معلم مش ههتمتع بأي نسبة خصم تماماااا ..
– التعديل في القانون في مبلغ الإعفاء “بالزيادة من ٧ الاف ل ٨ الاف” و في نسب خصم الضرايب للشرايح الأقل ..
المثالين الي فوق دول واحد دخله ٥٠٠٠ ج و التاني ٢٥ ألف .. يعني التاني خمس أضعاف الأول و مع ذلك هتلاقي الأول بيدفع ٥٠٨ ج ضرايب و التاني بيدفع ٤٨٣٠ ج ضرايب يعني تقريبا ١٠ أضعاف التاني .. أظن هيه دي العدالة و مراعاة محدودي الدخل .. و الطبقة اللي دايما باصين ليها في كل حاجه بتدفع بالفعل ١٠ أضعاف اللي بيدفعه أي حد تاني ده غير إن تأميناتهم أعلى و ده يخللينا نعرف أهمية الناس اللي دخلها عالي في البلد لأن الواحد فيهم مدخله ع الناتج القومي ١٠ أضعاف محدود الدخل ولا يتمتع بأي مميزات …


مقالات قد تعجبك ايضا :  المعاجلة المحاسبية لضريبة القيمة المضافة   -  جميع مصطلحات المحاسبة بالانجليزية 

ــــــــــــ
دي قيمة ضريبة الدخل الي هتبدأ من 1 يوليو 2018
الضريبة دي بتندفع مرة واحدة سنوياً
الضريبة بتقسم الدخل السنوي الي شرائح
 شريحة اولى اقل من 8000 جنية ودي مش عليها ضرائب (دي الناس الي دخلها الشهري أقل من 650 جنية !)
 شريحة تانية من 8000 جنية حتى 30 الف جنية ودي عليها 10% ضرائب
 شريحة تالتة من 30 الف حتى 45 الف جنية عليها 15% ضرائب
 شريحة رابعة من 45 الف حتى 200 الف جنية عليها 20% ضرائب
بعد ما تحسب كل شريحة
بتبدأ تخصم قيمة الأعفاء الضريبي كالأتي
 لو أنت شريحة تانية بتخصم 85% من قيمة الضريبة
 لو أنت شريحة تالتة بتخصم 45% من قيمة ضريبة الشريحة التالتة فقط (ضريبة   الشريحة التانية الي بقيمة 3000 جنية بتفضل ثابتة)
 لو أنت شريحة رابعة بتخصم 7.5% من قيمة ضريبة الشريحة لرابعة فقط (ضريبتي الشريحة الثانية الي بقيمة 3000 جنية وضريبة الشريحة التالتة الي بقيمة 2250 جنية بيفضلوا ثابتين)

الي هيقول أزاي الفرق بين ضريبة 30 الف سنويا وضريبة 30,500 جنية سنوياً اكثر من 2550 جنية ... أقولك دي فكرة الضرائب التصاعدية

تحميل نص مشروع قانون ضريبة الدخل 

المصدر " مدرس اون لاين "