كيفيه كتابة سيرة ذاتية بالعربي والانجليزى + تحميل نموذج جاهز

فى الموضوع دا هانجاوب على سؤال من احد متابعينا وهوا كان عبارة عن

كيف اسوى سى فى ؟؟

ايه العناوين اللي فيه و بنكتب تحت كل عنوان ايه بالظبط و بيتكتب ازاي !؟

أولا:

اول حاجه بنبدأ بيها الCV بتاعنا هي الPersonal information
و بنكتب فيها

1- الاسم
2- التليفون
3- العنوان
4- الايميل (و لازم يكون ايميل فورمال )
5- تاريخ الميلاد

ثانيا:

بعد ما كتبنا كل المعلومات اللي تخصنا الراجل اللي بيقرا الCv برضه مقدرش يعرف هو انت مين او عامل ازاي فبنعمل حاجه اسمها Summery

بتبقي عباره عن انك بتتكلم عن نفسك و بتقول انت مين و ايه المهارات اللي عندك اللي هتخليك مميز عن اي حد و بتقول نفسك توصل لأيه

ثالثا: التعليم

و بتكتب التعليم الجامعي بتاعك و انت في سنه كام و ممكن تعمل حاجه زياده هي انك تكتب انت دخلت الجامعه سنه كام و المتوقع انك هتتخرج سنه كام عشان ممكن يكون فيه ناس بتعيد سنين مثلا

رأبعا: 

المهارات اللي عندك و بتقول مستوي كل مهاره عندك وصل لفين زي اننا نقول في الانجليزي مستواك فيه جيد او ضعيف او طليق اللي هي اعلي حاجه و بنقسمها 4 اجزاء هما :

1- Computer skills
examples : Microsoft office : Very good
Photoshop: Basics

2- Language skills:
و دي اللغات اللي معاك و مستواك في كل لغه

3- Professional skills
و دي المجالات اللي انت اتعلمت فيها و فاهمها زي مثلا
HR : Excellent
Marketing: Good
Quality management: Very good


4- Personal skills:
و دي المهارات الشخصيه اللي عندك زي مثلا
Communication and presentation skills
Teamwork
Time management
Leadership
Problem solving
Negotiation
الحاجات دي أمثله و كل واحد بيشوف ايه اهم مهارات عنده وبيكتبها

خامسا: Experience و دي الخبرات او الاماكن اللي اشتغلت فيها زي انك  نزلت تدريب في بنك او اشتغلت في اي مكان عموما

و دي بنكتب فيها في الاول انت كنت شغال ايه و فين و من امتي لحد امتي

و هكذا و بنكتب كل الامكان اللي اشتغلنا فيها

سادسا: Courses & training:

و هنا بنكتب اسم الكورس اللي خدناه و خدناه فين و الفتره من امتي لحد امتي

سابعا و اخيرا : الHonor and Awards

زي انك طلعت best member او موظف مثالي في مكان او اترقيت في شغلك عشان ادأك كان كويس عموما.

ده كده ترتيب الحاجات اللي بتكتبها في الCV

ملاحظات عند كتابة سى فى 

 بقي لازم ناخد بالنا منها في الCv

1- حجم الخط في الكلام كله يبقي 11 و في العناوين المهمه يبقي 14 و معمول bold

2- منستخدمش خطوط داخله في بعض زي الكلام المشبك

3- منحطش Frame للCV

4- منستخدمش كلام صعب و نستخدم كلام بسيط و كل الناس هتفهمه

5- مش لازم تحط تفاصيل في الCV زي ظروف شغلك كانت عامله ازاي و انت كنت بتعمل ايه و كده

6- منستخدمش الوان في الCV غير الازرق الغامق و قليل جدا كمان

ياريت تكونوا استفدتم 
لو فيه استفسار اكتبو فى التعليقات اللى اسفل المقال  

دا فيديو بيشرحلك ببساطة ازاى تكتب سى فى محترم 

تحميل نموذج سيرة ذاتية من خلال الرابط دا 👇👇

وقد تناولنا فى موضوعات منفصلة 

ماهى معايير المحاسبة الدولية 

تحميل كتاب محاسبة الزكاة والدخل مجانا 

ماهى قائمة التغييرات فى حقوق الملكية 

منقول من "معلومات محاسبية "