شرح اهداف واهمية محاسبة التكاليف مع امثلة عملية - محاسبة تكاليف

محاسبة التكاليف هي فرع من فروع المحاسبة تهتم بتجميع وتسجيل وتبويب بيانات التكلفة بهدف توفير معلومات عن التكلفة تستخدمها الإدارة لاغراض التخطيط والرقابة و اتخاذ القرارات .

 كما تساعد في اعداد القوائم المالية للجهات الخارجية.

 اهداف محاسبة التكاليف؟؟

طبعا الاجابة ممكن تكون في اربع كلمات ولكن كل منها حضرتك درستها في ترم او اتنين..وجزء كبير من الاجابه بيدرس في السي ام ايه." CMA "

تناولنا فى موضوعات منفصلة ايضا  📢📢 " الفرق بين ميزان المراجعه والميزانية العمومية بشكل مبسط "

 اهداف محاسبة التكاليف

 هي 

• القياس
• الرقابة 
• اتخاذ القرارات 

القياس 

يقصد به قياس تكلفة الوحدة (وحدة المنتج). 

ما الفائدة من قياس تكلفة المنتج ؟؟

 امكانية تحديد سعر بيع الوحدة علي اساس تكلفتها

ويفيدنا في الدخول في المناقصات لاني عارف تكلفتي مسبقا فا هقدر ادخل المناقصه واقوم بتحديد السعر شامل الربح  

وهيفيدنا اننا نقدر نحدد هننتج كام وحدة السنه الجاية لاني عارف تكلفة الوحدة وعارف امكانياتي المادية وهحدد استلف فلوس او مستلفش 

ومساعدة رجال المبيعات يبقي هقدر اخطط للانتاج واخطط للمواد المطلوبه والاجور والمصروفات والمخزون كل ده من خلال معرفتي لتكلفة الوحده  ( يعني وظيفة التخطيط  بتاع الادارة العليا ) ...

كمان هقدر لما اعرف تكلفة الوحدة اقيم المخزون علي اساسها واحنا عارفين ان المحاسبة المالية متعرفش تعمل القوائم بدون متعرف قيمة مخزون اخر المدة (خاصة في الجرد الدوري).


اقراء ايضا   📢📢 " كل ما تود معرفتة عن شهادة cma  "

ما الفائدة الرقابة فى محاسبة الكتاليف  ؟؟

طبعا مينفعش اقيس التكلفه واعتمد عليها زي ما بتحصل يعني فيها اسراف واهمال وضياع للعناصر والوقت واشتغل عليها.

لا المفروض اقيس تكلفة محسوبة صح يعني معمول لها معيار علمي.. وبالتالي هنراقب التكلفة اللي حصلت واقارنها بالمعيار وادرس الفروق واعرف سببها واعالجه...

يبقي التكاليف هتساعدني علي عمل الرقابة (وهي احدي وظائف الادارة العليا ايضا ) .

اتخاذ القرارات فى محاسبة التكاليف 

امثلة  عملية  وماهوا دور محاسبة الكتاليف وحل المشاكل وعملية اتخاذ القرار 

لو الادارة عاوزه تزود حجم انتاجها ومش عارفه القرار صح اوخطا نقولهم ادرسوا التكلفة الجديدة والعائد بتاعها وساعتها نعرف ناخد قرار(التكلفه ساعدتنا)....

اقراء ايضا   📢📢 " شروط الحصول على شهادة CPA وا ماكن الاختبارات فى الوطن العربي   "

لو الادارة عاوزة تضيف منتج جديد فهل ده قرار صحيح؟

 نقولهم ادرسو التكلفة والعائد (التكلفة ساعدتنا ولا لا ) 😎

 لو الادارة عاوزه تغير المزيج السلعي اللي بتنتجه فتزود في سلعة وتنقص في اخري نقولهم شوفو التكلفة والعائد في الحالتين (التكلفة ساعدتنا ولا لا ) 😎

لو الشركة بتفكر تصنع جزء عندها بدلا من استيراده نقولها ادرسي التكلفتين (التكلفة ساعدتنا ولا لا ) 😎

 الخلاصه ان التكاليف لها دور كبير في اتخاذ القرارات (وهي وظيفة الادارة العليا).. 

.يبقي باختصار محاسب التكاليف يساعد الادارة العليا في التخطيط والرقابة واتخاذ القرارات 

وهي الوظائف الرئيسية للادارة العليا.

وبكدا نكون وضحنا بشرح مبسط اهداف واهمية محاسبة الكتاليف شرح اعمق انصحك بتحميل

🎁🎁تحميل كتاب محاسبة التكاليف التطبيقيه  من هنا 👇👇

المصادر

" محاسبين ومحاسبة "

" كتاب محاسبة التكاليف التطبيقيه "

"ويكبيديا "