كيفيه احتساب تكلفة المنتج بشكل عملى مبسط 2019 - محاسبة تكاليف

كيفيه احتساب تكلفة المنتج بشكل عملى 

وعشان الموضوع طويل هناخد لقطة بسيطه منه ونكبرها تحت المكرسكوب عشان توضح الفكرة وانسي اننا بنتكلم عن التكاليف كمنهج لكن هنتكلم عملي وكمنطق ومتنساش ان ده جزء بسيط من الموضوع

مثال بسيط عن كيفيه احتساب تكلفه منتج 

كيفيه احتساب تكلفة المنتج بشكل عملى مبسط 2019 - محاسبة تكاليف 

ان عندنا مصنع فيه 3 ماكينات وان منتجاتنا حسب طلب العميل (اوامر انتاج)  وممكن منتج يعدي علي ال3 ماكينات ومنتج تاني يعدي علي ماكنتين وتالت يعدي علي مكنه واحده .

احتمالى  جالي 3 عملاء  كل واحد عاوز نوع  من اللي قلناه وكل واحد فيهم عاوز 1000 قطعه .

كيفيه احتساب التكلفة فى هذا المثال 

مع الاخذ في الاعتبار انك لو حسبت التكلفه بالزياده يبقي سعر البيع عالي والمنافسين يضيعوك

ولو حسبت التكلفة بالاقل يبقي ممكن متكسبش او تخسر وانت مش على علم

تعالي الاول نشوف كل امر طلب 

1- هلاقي طلب مواد خام من المخزن يبقي اشوف اذون الصرف بتاع المواد اللي طلعت باسم كل امر واشيلهاله مع مراعاة مراجعة اي مواد طلبت ولم تستخدم او فقدت . 

2-  عمال الانتاج اللي عملت كل امر خدو كام لانتاج الامر ده

سؤال 

طب في نفس المصنع  فيه ناس بتاخد اجر مقابل نقل المنتج وناس بتاخد مقابل صيانه وفيه اهلاك الات وفيه اضاءه وفيه قوي محركه وفيه حراسه وفيه تكييف ..الخ

عاوز اعرف كل امر نصيبه ايه بالظبط من الحاجات دي..

طبعا صعبه لان الحاجات دي مش مرتبطه بامر معين لكن مرتبطه بكل الاوامر ومش بالتساوي لان فيه امر عدي علي

3 ماكينات

وتاني عدي علي ماكنتين

وتالت عدي علي ماكينه واحده

بالاضافه لان ممكن فيه نوع منهم بيحتاج جهد او كهرباء اكتر من التاني....

قولي انت بقه نتصرف ازاي بالعقل

الحل من وجهه نظرى المتواضعه بالنسبة لحضرتكم ...


  # لو فيه بنود مرتبطه بمكينه معينه ومحدده بدقه (سواء مواد او اجور او مصروفات)  نشيلها للمكنه (مش لامر انتاج معين)

 # ولو فيه بنود مرتبطه بماكينتين فقط دون التالته نقسمها بينهم بس مش بالتساوي لكن علي اساس عادل  

    فلو هي اجور مثلا اقسمها بينهم بنسبة عدد العاملين علي كل مكنه او بنسبة قيمة الاجور...



لو فيه بنود عامه اقسمها علي المكنات التلاته باساس عادله .

يبقي انا عندي تكاليف شيلتها للاوامر(المباشرة)

وتكاليف شيلتها للمراكز (الالات في هذه الحالة) باستخدام عدة اساليب عادلة .

يبقي اقدر اجمع تكاليف كل اله الغير مباشرة واقسمها علي عدد ساعتها  

(مثلا) يطلع الساعه بكام يبقي كل امر عدي علي الماكينه اشيله نصيبه حسب عدد الساعات اللي خدها .

وبعدين ادخل علي المكنه التانيه واطلع لها معدل برده مش شرط علي اساس عدد الساعات لكن حسب طبيعة الشغلانه اشوف الاساس اللي هقسم علي وليكن قيمة المواد المباشره يبقي كل جنيه مواد مباشره يشيل المعدل اللي عملناه وهكذا .

في الاخر اشوف كل امر راح لاي مكنه واحمل  نصيبه وبعدين اضيف عليه نصيبه من المباشر يطلع تكلفته بالظبط . 

يارب اكون قدرت اوضح لكم الحل بطريقة بسيطة وعملية

لو محتاج تحمل الدليل الكامل لاهم اسئلة الانترفيو للمحاسبين من خلال الرابط دا 👇👇👇

دا فيديو مبسط بيوضح كيفيه تسعير المنتجات 

وتناولنا ايضا فى موضوعات منفصلة 

دورة حياة مشروع مقاولات من البداية الى النهاية بشرح تفصيلى 

منقول من " محاسبين ومحاسبه "