الفرق بين محاسب الموقع ومحاسب الادارة فى شركات المقاولات ومهام كلا منهما
يعني اية محاسب موقع او محاسب الادارة ؟! 🤔 و اية الفرق بينهم 🤔
تعالوا نتعرف على مهام الاتنين
محاسب الموقع:-💥
هو حلقة الوصل بين الادارة والمشروع هو عين الادارة بالمشروع- فى الشركات الصغيرة والمتوسطة وبعض الشركات الكبرى
- - استلام عهدة من الادارة
- - تسجيل مصاريفه اليومية فى كشف العهدة
- - تصفية العهدة كل 15 يوم او كل شهر
- - متابعة المخزون والمراقبة عليه
- - متابعة الاصول بالموقع
- - جرد الاصول والمخزون اخر العام
- - مراجعة مستخلصات مقاولى الباطن ومستخلصات الايراد بل هو ممكن اللى يقوم باعداد مستخلصات مقاولى الباطن ويشترك فى اعداد مستخلصات الايراد كمان (متستغربش بتحصل)
- - تسليم الرواتب للعمال والموظفين بالمشروع
- فى بعض الشركات الكبيرة بيكون فيه تخصص اكتر والاختلاف بيكون فى الاتى:
- - تسجيل قيود اليومية الخاصة بالمشروع
- - يكون دوره رقابى اكتر على امين المخازن
- - بيكون فيه سيستم بدلا من كشف العهدة ويتم متابعة رصيده اول باول من الادارة بدلا من الانتظار لنصف الشهر او اخر الشهر للتصفية
محاسب الادارة:-💥
- - دوره رقابى على محاسب الموقع بشكل عام وبيكون اكثر خبرة منه فى الغالب
- - بيستلم ويصفى عهدة محاسب الموقع
- - تسجيل قيود اليومية للشركة ككل (موردين - مستخلصات مقاولين وايراد - مصاريف عمومية وادارية .....الخ)
- - متابعة الاصول للشركة ككل واستلام الجرد من محاسب الموقع (ولو فيه قسم للاصول هو بيتولى الموضوع ده تسجيل ومتابعة وحساب الاهلاكات)
- - الاشتراك فى الاقفالات لاعداد القوائم المالية (وفى بعض الشركات هو اللى بيقوم باعدادها او ع الاقل بيعد ميزان المراجعة لو هيقوم مكتب المراجعة باعدادها)
- - فى الشركات الكبيرة لو مفيهاش قسم مراجعة ومحاسب المشروع بيسجل فالتيم بيراجع شغله لو فيه قسم مراجعة بيتولى الامراجعة ككل
ملاحظات
- - كل شركة ليها نظامها ممكن شركة يكون فيها 2 محاسبين او تلاتة يقسموا العمل بينهم ويقوموا بينهم وده افيد للمحاسبين من حيث الالمام بالدورة المحاسبية للنشاط
- - وممكن يكون محاسب وحيد كما فى الشركات الصغيرة وده برضه هيخليه يلم الدنيا
- الشركات الكبيرة هيكون فيها تخصصات وده نظرا لحجم العمل الضخم اللى ماسك موردين واللى ماسك مقاولين وممكن تلاقى مدير للمورين او للحسابات الدائنة عموما ونفس الكلام لباقى السيكشنات
- اغلب شركات المقاولات مبيكونش فيها مخازن ممكن متلاقيش المخازن الا فى الشركات الكبرى وبيكون طبعا الغرض منه خدمة المشاريع والورش والكسارات والخلاطات وليس الغرض منه اعادة البيع
- قدامى شغل فى شركة مقاولات هيفيدنى ولا اشوف مجال تانى؟🤔
اقولك انت وقعت فى مركز شباب الافادة شغل ممتع ومتنوع وفى نظرى اللى يشتغل مقاولات او فى شركات صناعية يشتغل بسهولة فى اى مجال اخر هتستفيد خبرة كويسة جدا ان شاء الله .
قدامى محاسب موقع اشتغل ولا لا؟☺️
لو انت حديث تخرج سواء دور محاسب الموقع هيقتصر على العهدة او هتسجل وتشتغل على سيستم ف انت فى الحالتين مستفيد انت راجل بتبدأ لسه محتاج خبرة ودايما .
حدد اهدافك والله انا هقعد كمحاسب موقع سنتين خلال السنتين هلم الدنيا واذاكر واجتهد واما يجيلى فرصة فى الادارة فى نفس الشركة او فى شركة اخرى .
لو انت راجل خبرة هيكون الاولوية طبعا انك تكون فى الادارة طيب لو مفيش الا محاسب موقع هنا تنظر للمهام اذا تقتصر فقط على عهدة اقولك لا تقبل اذا المهام زى ما ذكرت فوق فتمشى حالها لفترة حسب خطتك وظروفك مع الاجتهاد والسعى للافضل 👍.
خلى فى بالك دائما ان مفيش مكان او بوزيشن هتشتغل فيه الا وهتستفاد منه
هتستفاد لو انت فقط قررت ده لازم تطلع من المكان بمعلومات وخبرة
دى دورة حياة مشروع مقاولات عملى على نظام بابل للمقاولات هتفيدك فى الشغل لان اغلب شركات المقاولات شغاله على السيستم دا 👇👇👇
تناولنا ايضا فى موضوعات منفصلة
المصدر " صنايعى حسابات "
أضف تعليق